الوقت خان الشباب وخان نيتنا=والظرف كايد يبكينا ويبلانا
والعزم قال النهايه في نهايتنا=والدافعيه توقفّنا وتنهانا
والحزم ياليت حزم العزم ثبّتنا=بالعكس خلى مشاكلنا تمنانا
والحظ ناوي على تدمير طاقتنا=والعز اقفى وودعنا وخلانا
والحزن اقبل علينا في بدايتنا=وحتى الفرح مايبينا ويتناسانا
والذل اصبح رفيق دروب غايتنا=والضحك يبكي علينا ويتحاشانا
وعزايم الضعف والتقليل رايتنا=واحساسنا مات واحساس الكفر بانا
بأسباب دار(ن)تريد جموع قوتنا=القدس تبي الفزع منا وتنخانا
ياامة الدين شدي من مهمتنا=نبي فلسطين تصبح داخل حمانا
ويالمعتصم ليتك تشاهد حميتنا=وتشوف بعيونك استفحال بلوانا
احقر خلايق شعوب الارض سبتّنا=سبّوا رسول(ن)له الفردوس مسكانا
الدينمرك استهانوا في ديانتنا=واستهزوؤا باللذي من نسل عدنانا
الا رسول الهدى منبع ثقافتنا=تناله اقلام من للدين عدوانا
ويالله يالله ترفع من مكانتنا=وتوّحد صفوفنا وتزيدنا شانا
ويالله طلبناك تتويج لبطولتنا=ضد الذي دينهم للحق مادانا
وياامة(ن)حاقده تنوي اهانتنا=الله يهينك قبل مالدين ينهانا
ويالله تزلزل اراضيهم بدعوتنا =ويالله تسلط على الكفار بركانا
ويالله ترى ذلهم قمة سعادتنا=ومن نصرنا عبدك المختار فرحانا
والدين امرنا نعزز من مكانتنا=ونبذر بذور المهابه داخل عدانا
ويالله تجعل سعادتنا وفرحتنا=في طاعتك ياعليم اسرار الانسانا
وياخالق الكون لاتغرق سفينتنا=استر عليها من امواج(ن)تقفانا