يالله تجعلنا مع الصحـب الاخيـار=
في قدرتك يامعطيـن مـن يسآلـه
رحمتـك يامعبـود يـاوال الاقـدار=
ياباسطن ارضـه ومرسـي جبالـه
انت الكريم المعطي النافـع الضـار=
يـارب عفـوك ياعظيـم الجلالـه
ومن بعد ذكر الرب رتبت الاشعـار=
وبدعت من زيـن المعانـي جزالـه
وجهزت قيفانه على كيـف ماختـار=
من هاجـسٍ درب المعالـي رقالـه
غض النظر عن عورة الجار ياجـار=
احفظ جوار الجار وادمـح خمالـه
الجـار غلطاتـه ولـو انـه كثـار=
استـر عليـه وعاملـه بالجمالـه
عليك بالعليا ولـو صـار ماصـار=
احذر مجال الطيـب ترخـي حبالـه
ارق السنود وجنب اوكار الاشـرار=
الخايبيـن الناقصـيـن الحثـالـه
ابعـد مجالـك بـدل الـدار بديـار=
وارتك على اللي كامـلاتٍ خصالـه
الصاحب اللي عادته شبـت النـار=
النـادر اللـي مـاتـدور بـدالـه
اللي ليا جاله مـن النـاس خطـار=
يفرح بجيـت مـن تعنـا وجالـه
مدهال لاهل الصيت وافين الاشبـار=
الطيبـيـن الغانمـيـن الشكـالـه
ودلال بغـداد بهـن بـن وبـهـار=
يغدن عماس الراس في كـل حالـه
هذا هواي ورغبتـي ياهـل الكـار=
في خـوة الوافيـن عـز وبسالـه
ومشين مع البيدا على وقت الاخضار=
يطرب لها قلـب الهـواوي وبالـه
في خايعن ماديجبه عقـب الامطـار=
انا أشهد انـه طـب قلبـي وفالـه
والعمر يعلم فيه قصـاف الاعمـار=
والرابح اللـي مامشـى بالضلالـه
وأختامها صلو علي خيـر الابشـار=
اعداد ماهب الهـوى مـن شمالـه