منتديات بعد حيي - عرض مشاركة واحدة

مرثية مسفر الدوسري : -

هاهو مسفر الدوسري يتذكر طلال ويبكينـــا بحرقـــه .

لايابعد حيي تعال

بعدك جرح كثر الرجا قِـلّ الظلال

من بَعدك الشِيخـة شكت قلّ الرجــال

شف العذارى فرعن وارخن على الليل الرمال

طلال تعال

بعدك قصر عمر الفجر

وارتفعت الكف الشمال

لايـابـعـد حـيـي تـعـال

بعدك لقى ذيب المسا أيامنا البيضا غزال

لاياسند ظهر الفرح الملح سال

طلال تعال

ماليّل فبُعدك وصل لكن نبي وجهك هلال

بعدك صحيح تشابهوا ولا بقى ذاك اللي يحيي غيثها

لاجفّـت الـمـزنـه وعـذّبـهـا إبـتـهـال

ولا بقى منهو يعدّل ميلها لاقيل مال

بعدك طفا نور الحكي والاجوبه مابللّت ظما السؤال

بعدك رؤوس اينعت

بس مهرتك ماخانتك ولا تبي إلا الأمير إبن الأمير اللي ورث ورثه حلال

رد ياطلال

ماعاد بقى في الحال حال

وصار السهل صعـب الـمنـال

ولا لقينا لهمّنا ساحل ، ولا لدموعنا المسفوحه جال

تكسّرت روس النصال على النصال

لا يابعد حيي تعال

مرت سنه

كل يوم أبخّر مجلسك

وأقهوي ضيوفك بعض علومك .. تنتشي خيول الفخر ويميـــل عقال

مرّت سنه

كل يوم اقول ابلتفت

والقاك بطولك تبتسم

واقف ولا طولك احد ، تدري بعد مارحت .ز أبد .. ماشئ طـــــــــال

إلا الحزن بعدك إلا من قال .. نال

مرّت سنه

وأناديلك : تعال

أحلّفك باللي رفع ظلّك سما

وابسط تفاصيلك خيال

باللي عطاك الطيب وزلّيته على معاميل الدلال

أحلّفك بالعِشرة واللي بيننا

وبنور يمينك لاإنعمى الدرب وطوى الليل الجبال

طلال تعال

أحلّفك بالله تعال

سافر ولكن لاتغيب

ولايجف بعدك كحل

ليلة وداعك لاوقف عوّد يسيل

سافر ولكن لاتغيب

ولاتعذّبه بالوله جيد وجديــل

أو بالرحيل يظماك شال

طلال

لايابعد حيي تعال !!!