بسم الله الرحمن الرحيم

لوسمحت ياشيخ عندي حلمين وابي تفسيرهم..


الحلم الاول..
حلمت اني ابي اتزوج من شخص انا اعرفه في الواقع وابيه وركبت السياره انا وامي وابوي واخوي الكبير
وحنا نمشي في الطريق انا كنت مبسوطه اني بتزوج هذا الشخص بالتحديد بس لما كنت في السياره كأني ابي اتزوج ولدعمي وهو اصغر مني بس احساس الفرح والوناسه اللي فيني ماراحت..
كنت مبسوطه واهلي مبسوطين بعدين قالي اخوي الكبير تصدقين لو ما وفقتي كنت بغصبك عليه غصيبه وازوجك ولد عمك غصبن عنك..وانا كنت من داخل فرحانه بس كنت في نيتي اني بعانده وقلت له لاوالله ماتقدر تغصبني وبعدين تهاوشت مع اخوي وكأن ابوي وقف بصف اخوي وسمعني حكي وجلست ابكي واقول ادري انك ماراح تاقف معاي وبعدين قلت وقفو السياره ونزلت من السياره واقتلب الجو غيم غامق وبعدين امطرت علينا ولما وصلت البيت كنت شايله هم اخوي الثاني انه بيهاوشني عشان الزواج وفعلا لما خبرته تهاوشت معاه وضربني قووه لدرجه ان عيني تأذت حيل وكان يضربني في الحوش وانا احاول افلت نفسي منه وبعدين قدرت افلت وهربت من البيت للشارع ولا علي عبايه وانا كنت اركض وابكي وابكي واخوي لما شافني طلعت بالشارع وقف ولا لحقني ماكان يبـي احد يشوفه ونفتضح..
وانا كنت أمشي وابكي طلعت علي زوجه امام مسجد عندنا وضمتني وقالت هدي بالك وسألتها عن زوجها الشيخ عبدالله اذا كان فيه بروح اشكي له وبعدين دخلت على زوجها في المسجد حقه وكان منسدح ويكلم في الجوال لكن الوجه ماكان نفس وجه الشيخ عبدالله اللي اعرفه كان وجه زوج خالتي ولما سكر السماعه وخلص حكي ..سألني مين انتي قلت انا فلانه وخبرته بكل اللي صار معاي وكنت أكثر شي اشكي له ابوي وأشكي واخوي اللي ضربني وقالي: خير ان شاء الله انا اتصرف واتفاهم معاهم..... انتهى



الحلم الثاني..
حلمت اني جالسه بحضن الشيخ نبيل العوضي الله يطول في عمره وكان يلقي محاضره وانا كنت خجلانه حيل لانه كان يلقيها وانا في حضنه قدام كل الناس وفيه ناس من جماعتنا اعرفهم كان حاضرين المحاضره..
وكان الشيخ يلقي محاضرته ويضمني لصدره وقرب وجهه لرقبتي وكنت منحرجه قوووه لاني كنت حاطه على شعري حناء ومستحيه من ريحه الحناء أنه يشمها..
ولما خلص محاضرته قمت انا واياه وكانت بنت خالي واقفه وترمقني بنظرات تخوف نظرات وحده مقهوره كيف الشيخ نبيل العوضي يضمك انتي بالذات وابتسمت لي وباالحلم ماكنت مرتاحه لنظراتها وابتسامتها ..بعدين قالت: انتي؟..وانا رديت عليها بكل ابتسامه وودنقت.....انتهى