منتديات بعد حيي - عرض مشاركة واحدة

11-03-2010, 02:58 PM

ابيات بخويآ لي عزيز اسمه . سعود .
نقل من الشمال إلى ينبع على شان زيادة الراتب .
وبعد ماوصل هناك وشاف وضع الناس تحسف وكثر الاتصالات ورسايل الجوال معي وحسيت انه متضايق ومن ضمن المراسلات قلت هذولي الابيات ::

عبر الفضاء الواسع على الرقم ياسعود ،
رسايل الجوال تاصل ديارك
باالبحر الاحمر بين ضلعان وحدود ،
مصر يمينك والسعودي يسارك
في ديرتن سكانها كلها زيود ،
تمضي ثلاث سنين مأتعرف جارك
لاكن نقلت برغبتك تتبع الزود ،
هذاء هواك ومطلبك مع قرارك
عسآلك التوفيق والكسب والفود ،
ورزقآ حلال في إيديك إيتبارك
بسلك العمل ياسعود والرزق مطرود ،
الله يجعل خيرتك بختيارك
وباالخير مذكورن وباالخير مشهود ،
وعساء السعادة والهنا في مسارك
من كل حدب وصوب يامنبع الجود ،
وتبقى بنفسي خوتك و اعتبارك
قريب والأ نازح الدار ياسعود ،
خويآ عزيز وحافظينآ قدارك
واليا طفشت اصبر عسا الصبر محمود ،
وبدد هواجس ليلتك في نهارك
وياضاق صدرك وللع النار باالعود ،
وقلط معاميلك على جال نارك
ومعك على الجوال والرقم موجود ،
خط التواصل كل وقت إيتشارك