عبر الفضاء الواسع على الرقم ياسعود

رسايـل الجـوال تـاصـل ديــارك

باالبحر الاحمر بين ضلعـان وحـدود

مصـر يمينـك والسعـودي يسـارك

فـي ديرتـن سكانهـا كلهـا زيـود

تمضي ثلاث سنين مأتعـرف جـارك

لاكن هواك ورغبتـك تطلـب الـزود

حيثك نقلـت برغبتـك مـع قـرارك

عسآلك التوفيـق والكسـب والفـود

ورزقآ حـلال فـي إيديـك إيتبـارك

هذاء العمل ياسعود والرزق مطـرود

الله يجـعـل خيـرتـك بخـتـيـارك

وباالخير مذكورن وباالخيـر مشهـود

والله إيسهـل ياالسنافـي مـسـارك

منويـن ماوجهـت بسهـود ومهـود

وتبقـى بنفسـي خوتـك و اعتبـارك

قريـب والأ نـازح الـدار ياسـعـود

خويـآ عزيـز وحافظينـآ قــدارك

واليا طفشت اصبر تر الصبر محمـود

و أجل زعـل ليلـك لتالـي نهـارك

وياضاق صدرك وللع النـار باالعـود

وقلـط معاميلـك علـى جـال نـارك

ومعك على الجوال والرقـم موجـود

خـط التواصـل بيننـا و إيتـشـارك