السلام عليكم ورحمة الله وبركاته

مخنوق ياصاحبي والصدر ضاق
متى على الله تنفرج كل ضيقه

قلبي على حمل الهموم ماعاد به طاق
وعيني من دمعها صارت غريقه

مدرري متى يأذن لي الله بإفراج
يالله من غيرك اطلب مديده

نفسي من سنين على حالها باق
هزله ومما بها دايم حزينة

تشكي من همومن عاشت بالأعماق
باسبابها ضاقت علي الوسيعه

امشي بها الدنيا وكني على ساق
وروحي من عمول خلق الله جريحه

مكسور خاطري وأصبحت منعاق
مع ان كل اعضاء جسمي سليمه

من شاف حالي و دمع عيني منساق
لعن كل من خلا حياتي كسيفه

لصرت عايش مع الناس بأخلاق
لازم تجيك منهم جروحن عميقه

يعني عشت باخلاق او بلا اخلاق
بتصير نفسك من سبايبهم صويبه

اعمل بدين الله ولا بد بإشراق
ويبان من هو على الحق سيره

مشتاق انا لايام فرحي مشتاق
مشتااق لضحوك ومزوح جميله


ااه يالحزن علّك للاحراق
عيني من اسبابك صارت كفيفه

تذرف دمعها كما صفر الاوراق
ذابله محدن درا انها عليله


لو اشكي همي على الميت كان فاق
وعلمني ان الموت افضل غنيمه

يالله ياللي لكل شي خلاق
انك تعوضني وهمي تشيله