*|اشياء مستحيل تستغني عنها فكل كشته..اكله تحبه ..مشروب ..مساحه للي فخاطركــ،، ؟؟
كل ما يلزمني بالبر واحسب حساب لكل شيء
*|مين تطلب يرتب اغراض الطلعه..قبل تطلع
أنـا يا حسره ارتبها ولا عمري ما طلعت ههههههههههه
*|موقف حلووو صار لك فكشته ومع مين ؟؟
والله كثيره أذكر منها مره دقوا علينا اخويانا وكانوا طالعين حولنا وحوالينا يبون يمرون علينا ووصفوا لنا مكانهم ويبون احد يطلع لهم وكان الوصف جدا دقيق وعرفت المكان قلت اطلع لهم ونط اثنين من اخوايانا قالوا حنا نروح قلت عرفتوا المكان زين قالوا ماتغيب الشمس إلا حنا هنا ههههههههههه غابت الشمس ولاجونا ولا وصلوا اخويانا وهم طالعين من عندنا الساعه 11صبح
امرحنا ومع شقة الضو رحت جبتهم وجبت اخويانا خخخخخخخخخ
*|موقف ماعجبك فكشته ومع مين ؟؟
مره طلعت مع واحد من اخوياي معه قرايبه ماعرفهم وماكان ودي بالطلعه بس ع شانه كان ملزم
وراحت بهدله هذيك الطلعه قعدنا ثلاث ايام كنها ثلاث شهور بلشنابهم هههههههههههههه
*|طلعت الكشته شنظامك تنزل اغراض ولا تجلس تناظر للي معاك تنطرهم ينزلووون ؟؟
أعين وعاون وقوم تعاونو ما ذلوا
*|قد مره تكلفت بالطلعه كلها من دون لحد يساعدك ..اقصد انه جبت الطلبات ؟
ليا قبل والله .. سياره وتكاليف وكل شيء ..
*|ايش اكثر شي ينرفزك بالطلعه..وشنو اكثر شي يريحك فيها ؟؟
اكثر شيء ينرفزني الآتكاليه وقولت ما عرف
واكثر شيء يريحني لما تكون مع اخوياي ..فاهمين بعض
*|اخر طلعه كانت لك متى ومع مين ..؟؟
العام مع ابوي وأخوياه .. بلينا ورى حفر الباطن
*|طلعه بتبقى دوووم فبالك .. مع مين ؟؟
طلعتنا قبل سنتين انا واخوياي بمكان يسمى الطيري ورى العماريه داخل 30كم
قعدنا سبعة ايام بلياليها لا أبراج ولا شبكه حولنا
*|طلعاتك قد مره صارت لصيد مخصصه وايش تحب تقنص.؟؟
يا حبذا ودي والله .. بس ما عرف بالقنص ولا قد طلعة مع احد والله
*|كم اخر حد لك فالسهر يعني تحب تسهر ولا تمشي ع طول شنظامك ..؟؟
بالطلعات احب السوالف والقصيد والسمر وحدي 12:11 انام ودائما اصحى اول واحد وازبط الفنجال ههههههههه
*|وصلت البيت تخلي الاغراض بالسياره لين يقوومووون اهلك من باكر ولا تنزلهم انت..؟؟
ههههههه ما ندخل البيت بدونهم ههههههههههههههه
*|صوره لطلعه تحبها وللحين فبالك وياليت تدون وقتها ومن معه كانت..؟؟
ليت كنت مصور والله
*|صوره لشي لفت انتباهك بكشته..؟؟
كثير اشياء بس ما صورتها خساره