يكفي تعبت من القهـر ياخفوقـي
وشفيك ما تنسى غرامـه وتجفـاه
ادري غرامه جارين في عروقـي
واموت لا جاني مع الليل طريـاه
وجهه يذكرني بيـاض البروقـي
وصوتـه يذكرنـي وداده ولامـاه
ماهو عجولن بالسوالـف طفوقـي
وماهو هبيلن ماعرف ماقع اخطاه
لازلت في وصله جريحن شفوقـي
احلم بقربـه وارتجـي دوم لقيـاه
حبه على حبـي لنفسـى يفوقـي
واضحك على نفسى اذا قلت بنساه
وش حيلتي لا زاد بالقلب شوقـي
وقلبي من عنـاده يكفيـه ماجـاه
كل مانويت اخيط بيـدي فتوقـي
صاحت جروحي من القهر اه ويلاه
راح الغلا منى وضاعت حقوقـي
والفكر حاير بين هجـره وملفـاه