مـوتي ارحـم ولا عـيـشـة حــيـاة مغـــبـون

مكـرمـة للـنـفـوس اللي تعــاف المـــهـونه


جـيـت ادورك في نفـسـي لقـيـت الظـــنـون

اشغـلـتـني اعــرف اللي هـدفـكم تـبـــــونـه


جـيـت ادورك في صحـوي لقـيـت العــيـون

حلـمـها فـيـك غـايـة وصــل صدق تـرونـه


جـيـت ادورك في عـقـلي لقـيـتـك جــــنـون

آه .. ياكـيـف في المـجـنـون حـبـك يخـونه


جـيـت ادورك في عـمـرٍ مـن اجـلك يـهـون

جـف وقـتـك وجـاك العـمر تمـطـر مـزونـه


جـيـت ادورك في لـيـلي لقـيـتـك سكـــــون

يهـجـع القـلـب في قـربك وتبـرى طعــونـه


جـيـت ادورك في هـمي لقـيـتـك حـــــنـون

مـدلهٍ لي عـساك تعـيش لي دوم عــــونـه


جـيـت ادورك في فـني لقـيـتـك شجـــــون

اجـمـل اللحــن في فـني تمـثـلـت لــــونـه


جـيـت ادورك في الـدنـيـا لقـيـتـك تكـــون

اثـمـن اللي ملـكـتـه في حـيـاتي اصــونـه

رآقت لي //~

كلمات :- مخاوي الليل ... ق1