صحيح فقدك سيدي ماكان ابد في خاطري
رغم اني اومن بالقدر ماكان من خير وشر
وكان الخبر بركان فجر داخلي
بركان فجر كل احاسيسي معاه
بركان فجر مدمعي
وصارت دموع من القهر ماهي دموع
صارت سهام
صارت بواريد ومدافع
ياموت هو انته رفقت بصاحبك
في رحلتك ،
ابن الجنازه مايخاف الموت
وان مات تبقى سيرته
تحكى على مر الليالي
والسنين
سيرة بطل سيرة شهيد
شهيد باذن الله شهيد
شهيد في وضح النهار
حطوا نياشين الغدر
حطوا نياشين الخيانة
واحترت مادري كيف
اعزي فيك
والا
انا اقبل تعازي
ياهي مأسى
يارمز باقي كالجبل ثابت وراسي
وشلون انا بعدك اكون
حطوك في قبرك وروحك باقيه
باجساد شمر باقيه
حتى جبال السمر لجت وانحنت
كأني اشوف دموعها
ياهي ماسي
طفلي يناديني يبه
وشفيك مايدري وشلي صاربي
مايدر ان روحي مشت
لمين جت عند الجزائر وانحنت
جثت بكت
وتسأل هذاك الوادي الموحش صحيح
ان الغدر طبع العرب
ان الخيانه في دماهم ساريه
وعقول يملاها الحقد
وقلوب صارة عاريه