صباح الخير
لرواد هذا المنتدى الرائع
فلت شعرها وانتثر كنه الليل
غطا عبايتها وغطا نحرها
وغطا العيون اللي هدبها مظاليل
حتى سواد الرمش ضاع بشعرها
*
*
تلحفت به والعبت كنها الخيل
ترقص تناظر للنجوم وقمرها
بعيونها القمره وبحجاجها الليل
وجلال كل الخلق ضاع ببحرها
*
*
لها عيونـ(ـن) ناعسه ترسل الويل
ورمش العيون السود زوّد خطرها
وله نظرتـ(ـن) منها تموت الرجاجيل
يا ويل من هو صوبته بنظرها
*
*
فيها جمال وزادها الكحل تجميل
فيها دلالـ(ـن) يسحر اللي نظرها
صعبه لغيري ودربها لي تســـاهيل
ما في غيري بالخلايق سحرها
*
*
احبها بالحيل بالحيل بالحيل
راضي انا بأفراحها وبكدرها
كلي اغاني حب وكلي مواويل
لعيونها ولرموشها وشعرها
*
*
لاتفكرون انها النمله