|
يمه اللي حب له طفله صغيره
يمه اللي حب له طفله صغيره
وش يسوي لاغدا فيها مصايب ؟
طفلة ٍ .. ماكانت بحبي جديره
بس كانت غير عن كل الحبايب
كنت اسميها العنود المستديره
ليت اهلها العام سموها عجايب
كنت اجيها مثل الامطار الغزيره
كنت اضيع بجوها مثل الهبايب
وادعي الله هي متى تصبح كبيره ؟
تفهم اشلون المكان يصير ذايب
ان تغنت تصبح الطرقه قصيره
وان تغلت تصبح جروحي عطايب
صنتها مثل البحر لـ ابعد جزيره
ماتركت علومها لاهل الركايب
ديرة ٍ ماهي بها .. ماهي بـ ديره !!
لو ثراها عشب واعلاها سحايب !!
يمه اتحبين طايلة الضفيره ؟
ااااه والله ياعليها اشقر ذوايب
قالت : ان جا الراس شايب فيه خيره
قلت : يابنت الحلال الراس شايب
قالت : الا الحب وشهو وش مصيره ؟
قلت : انا استاهل وانا كل السبايب
ماجزا اللي حب له طفله صغيره
غير قبر و ضحكها فوقه نصايب !!
|