جيتها طفل ٍ ,, / أنادي
إنتي لي,, غاية مرادي

وصرت باللهفه / أغني
(وآصلي وإنتي بلادي)

وصارت الفتنه / لقلبي
تشتعل ../ داخل فؤادي

حالم ٍ فيها ../ وجمري
أشعله ../ بعد الرمادي

صادق ٍ / وافي وصافي
غير ,/ عن كل العبادي

طفلة ٍ .. تلهو وانا اللي
محكم ٍ فيها .../ قيادي

من قيود الحب / عذري
حب عذري ماهو عادي

أنبت البستان حسره
من حلم أمسي لبكره
عاشق ٍ ينفض يدينه
ضرني بعد المسره

في زحام الموت عندي
للنعش مسمار وردي
أزرعه في جوف يدّي
حافر ٍ / قبري وقبره

ضحكة النظره الحزينه
ثابته باقصى السكينه
تاخذ الأكفان .. مني
تكسي الميّت مضره