منتديات بعد حيي - عرض مشاركة واحدة - الكسر تريْ صوابه شين .. يبطي وراعيه منصابي [ قصة ]

معرض الوسام · 08-07-2011, 02:00 AM

,’

السلآم عليكم ورحمة الله وبـركآته

/
.. سعد الغيثه ..

هذا شيخ وشاعر من شيوخ الشرارات من اقصى الشمال بالمملكه ومعروف وماعليه كلام

صـارت له قصه مبطيه وليومنا وهي تحكى ويضرب بها المثل ..
كـان بيوم من الأيـام دوّار (دوار يعني يدور الحلال الضايع بمعنى آخر باحث عن الحلال

)
وكـانت زوجته تعامل امه بشيء من القسوه ولاهي مرتاحه لها

الوكاد انه الرجال راح وهي ماتبي تجلس عند العجوز بلحالها قامت تكلمت عليها وراحت لأهلها

رجع سعد وماحصل زوجته وسأل امه ( وامه تبي تقصر الشر ولاتبي تخرب بيوت

)
قالت ياوليدي الحرمه مواحم (وحام ) ومعروف ان البنت ازين لها تواحم عند اهلها
قال يصير خير وشد رحاله وراح لأهلها وقابلها
قال وش فيك تركتي امي ؟

قالت الزوجه : يدي انكسرت وخفت ان عمتي تخدمني وانا مابيها تخدمني واتعبها معي

[ هنا عرف سعد انها تكذب وان امه ماتبي تعلمه بالصدق

]
مسك يديها اليمين وتفحصها ومسك اليسار يتفحصها قال والله انها مثل خويتها ( يقصد ان اليدين كلهم سليمات ومابينهم فرق حتى يبين الكسر )
وهي تمسك يدها وتصرخ قالت لاوالله مكسوره ..

قال سعد ابياته المشهوره
الكسر تريْ صوابه شين .. يبطي وراعيه منصابي
آمْن* هرجك عليها شين .. عجوزي اللي تذرى بي**
وهي تقوم وتحط يدها على فم سعد قالت .. ادخل على الله ياولد غيثه لاتكمل ..!

واليوم كل من شاف واحد يعق بأمه على لحساب زوجته قيل له "
# صحيح ماانت سعد الغيثه .. < عطفاً على انه كان ناوي يكمل الابيات ويطلقها لعيون امه
أو تستخدم احيانا في اللي يتحججون بحجج واهيه عشان مايقومون بشغلات معينه
# الكسر ترى صوابه شين .. < عطفاً على أن الزوجه حطت الكسر عذر وحجه

* آمن= كلمه اعتقد انها شراريه ولكن معناها لماذا ؟
تذرى بي = الذرى هو الشيء الذي تتقي به من الغبار او الهواء .. وهنا استخدمه على ان امه تتقي به من الحياه بأكملها ( يعني هو حمايتها بدنيتها )

م / ن

.

.

الموضوع الأصلي: الكسر تريْ صوابه شين .. يبطي وراعيه منصابي [ قصة ] || الكاتب: امير الغرام || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات