في قيض خبت / وماش مطّاره=في مهمهٍ ماجته / ونشات بن لادن!
وقبل امس جتني / جروح العام زوّاره =لاعادت ايام هقواتي / ولا عادن
دقوّا على الصدر .. وقتٍ مابه زياره=وفكوا شبابيك قلبي القدم / وتبادن!
الله .. لبعض الهقاوي كيف غدّاره =والله لبعض الجروح / شلون ينقادن!
قد كان لي هقوتين / تنطح الغاره=كانوا براسي / مثل الأخوات وتعادن !
وحده / تقول : اصلنا / من ذلّ .. لعياره =ووحده / تقول : الخلايق / عرف ومعادن!
ورحت انشد اللي هقاويه ابدت اسراره =ولا وصلوه لحدود الحلم .. او كادن !
وش عاد يبغى الندم / بسنين بوّاره=وش عاد لو ينقصن .. وش عاد لو زادن؟
الخبل خبل ٍ / ولو يتأّمر اماره!=مافاد به طب / والكيات مافادن !
من رخصكم / ياهل التاريخ واذكاره=عودتوا اهل الجيف / بالدار واعتادن!
وسميتوا العنز / شادن ياهل الحاره=وانثى الغزال / اللي يسمونها / شادن !
من ولفة / الأكحل السبّاق / بحماره !!=ماغير تسمع / صهيل بغال / .. وتمادن
لين اقبلوا عالسبق / يبغون مضماره=ولا فيهم اللي يبي الهدنه / ويتهادن !
وش عاد لو نادوا الجارات / ياجاره ؟=الوضع صجه / بنسمع كيف لو نادن؟!
بعض البنادق تصيد / وخبلة ٍ عاره !=وبعض البنادق .. بنادق ! / غير ماصادن !
والغبن ماهو شجاع / مع الخدن ثاره =الغبن / صلب الشجاع / اليا اصبح الخادن !
ويااللي تقول : البحر / مسبورة اغواره=رح وانشد البحر / عن تأبين بن لادن !!