القلـب من كثـر الهواجيس قزّان **** مـا يستريح من الدهر ربع ساعة

يا غافـر الـزلات يـا والي الشان **** تـجعل من التقوى لنفسي بضاعة

أنـا علـى لان وربـعي على لان **** متخالـف ٍ رايـي وراي الجماعة

مانـي ولـد شاوي يسرّح الضان **** يفـرح بتصنيف البهم والرضاعة

أنـا ولـد علـي سلايل كحيلان ***** وربـي خلقنـي للسبايـا وداعه

عيب على اللي يتقي عقـب ما بان *** وعيب ٍ طمان النفس عقب ارتفاعه

الناس مـا تسقيك ليا صرت ظميان *** ولا يشـرب المظمي حذا من ذراعه

أضرب على الكايد ليا صرت بحلان *** وعنـد الولي وصل الرشا وانقطاعه

إمـا تـجيب عقود حص ٍ ومرجان ***** والا فلـبـليـس ٍ يطيـر بشعاعه

اخى اسير لا هنت وصح اختيارك والله يرحم ويغفر لاابن رشيد على هذى الاسطوره فى التعبير
ولاهنت اخوك صدى صرخه