منتديات بعد حيي - عرض مشاركة واحدة - موظفة القطاع الصحي ونظرة المجتمع .....لمـــــاذا .....

02-05-2012, 09:29 AM

هذا رد مزدوج ومدمج بين شيخ المافيا ومستحيله

أولا ً الأختلاف بالرأي لا يفسد للود قضية واتمنى نبقى اصحاب
ثانيا صدقوني أتكلم عن المجتمع السعودي خاصة (الديار الشمالية )
أما الشرقية والغربية تقريبا ً متفتحين والأمور عندهم عادي
يعني لو إنك جداوية راح أرد عليك رد مغاير عن هذا الرد
والرياض نص هيك ونص هيك لكن بحكم إني في منتدى ينتمي للشمالية فأكيد الوضع القبلي غير وعند القبائل
كلمة (عيب) كثييييييييييير لكن من النادر تجد كلمة عيب بالشرقية أو الغربية..

نعم أنا بالرياض ويمكن عندكم بحايل غير الرياض ما أدري لكن أنا اتكلم مما رأيت بمستشفيات الرياض
وانا أتكلم عن وحدة بحايل تبي تتوظف في مستشفى فأجاريها بناء على عادات وتقاليد تلك المنطقة
ويحق لها أن تعرف وجهات النظر لتلك القبائل وما قد حدث وما سيحدث لأنني قرأت وسمعت بلاوي
وكل شخص له حريته الشخصية
فالبعض عند أهله (سردادي مردادي) لأوروبا وأمريكا وغيرها وعادي
والبعض ما تطلع إلا بشق الأنفس للسوق مثلا ً

أما بالنسبة إنها تكون هي العائل الوحيد لأهلها يمكن نسيت النقطة هذي لكن لكل مشكلة حل

قريت مره مثل أظن كل الظن إنه مثل حايلي يقول
( مابحايل قطايف )
يعني ما فيه إلا هالوظيفه هذي ؟؟؟
إلا عاد إذا الدنيا مقفله بوجهها الله يعين ما لها إلا إنها تقول أنا موظفه بقسم نسائي ولا تعلم أطلق شنب ههههههههه

نعود لأدراج رياح مستحيله

اقتباس


	حنا مافيه بنطلون ولا فيه لثام عندنا ولا مانع ان الموظفه تلبس جاكيت على طول عبايته

أها ما عندكم بناطيل أجل الوضع عندكم مو مثل اللي عندنا
تعليق بسيط على كلمة (عبايته)
لهجتك الظاهر مثل لهجة (أبو ملوح) يا حبي للهجتهم وربي خقق
بالله إذا تعرفين أبو ملوح سلمي لي عليه
بعدين على طاري اللهجات نفسي أعرف ليش تقولون السماواي أو السماوات الظاهر كذا ما تقولون السماء
نفسي أجيب حايلي هو يتكلم وأنا اسمعه قسم حلوه لهجتكم بس إذا مو غلطان إنها لهجة شمرية إذا مو حايليه

اقتباس


	وكل شخص له وجهة نظر

والأختلاف بالرأي لا يفسد للود قضية

اقتباس


	وانا احس ان غيرتك هذي بتذبح علاقة جميله بينك وبين من تحب لانها تخلو من الثقه والغيره الشديده تنقلب الى شك

لا يا مستحيلة شفت لك كتابات لكن لا تخلطين شعبان برمضان
يعني إما إني أغار أو أشك؟
الثقة أساس كل شيء وأساس قبل الغيرة
أقصد بالغيرة هي إني ما أتحمل محبوبتي تكلم غيري مو معناته إني أشك إنها تكلم غيري
أعطيه(على نطق عبايته) الثقة
مثلا رجل تزوج من ممرضة
أنا أرفض إنها تلبس لبس بنطلون ...إلخ وتجلس تثرثر مع الممرضين
لكن مو معناته إني أشك في كل الممرضات إنهم .... استغفر الله
هذا قذف للمحصنات
فيه فرق بين الغيره والثقة والشك
أتمنى تفرقين بين إن الشخص يغار وإنه يشك
وأنا ذكرت قصة (الغيور الموسوس) ما قلت غيور وسكتت...
وطلقها بسبب إنه موسوس مو طلقها بسبب الغيرة

اقتباس


	اما اخي عبد العزيز ماقال الرسول يقول الشريفه لو بوسط مليون رجل لا هذا صديقه الي قال مو الرسول

أنت ِ وعبد العزيز على العين والراس
لكن أنا اقصد إن صديق عبد العزيز ما يتجاهل كلام الرسول لأن
كلام صاحب عبد العزيز مناقض لكلام الرسول
ليش ما قال الرسول صلى الله عليه وسلم
(ما عليكم الشريفه تبقى شريف لو بين 100 رجال) ؟
الرسول صلى الله عليه وسلم وضح إن رجل وامرأة ثالثهم الشيطان
فما بالك بامرأة محاطة بالرجال ما يقارب من 8 ساعات ؟؟
وخاصة إن الوضع (منفتح) للأخير ؟

اقتباس


	وايضا مثل ماقال اخي شيخ المافيا ربما تعول عائله وربما

اقتباس


	هوايه وحب هذا القطاع فان تخصصت بالقطاع الصحي حبا في هذا القطاع

هذا بلا أبوك ياعقاب
واحنا وش ذبحنا غير الحب وما تشتهي الأنفس
كثير اللي نحبه لكن تمنعنا منه أشياء وأشياء
بالله لا تجيبين طاري الحب ترى أسحبها مره هجينية ومره موال
سعدت كثيرا ً بالرد وقراءة الردود

لا عدمتكم

ولا عدمتوني

مع تحيات
محلل رياضي سابق
ومحلل اقتصادي تائب
ومحلل سياسي ماله بالسياسة
صرخة قلم