ياهلا بالغاليه اسماء
والله حلوه العادات سواء بتونس او بالسعوديه بس حكاية الفخفخه والبهرجه شوي عقدتها
انا بالنسبه لعادات المغرب من ناحيه ليلة الغمره تقريباً نفس الحجاز نعمل ليله كبيره قبل الزواج بيومين
وطبعا المعزومين بيكونو صاحبات العروسه وقريباتها فقط بدون رجال
ويتحنو معاها وتلبس العروسه اللبس المديني او الهندي مع زفه لها وللدبش الي هوا جهازها
وهيصه ورقص للصباح
اما بالنسبه للعريس يعمل حفله نسميها الرايه قبل زواجه بيوم ويكون ببيت اهل العريس ويعملولو اصحابه واخوانه زفه من بداية الحي
الين بيته مع رقصة مزمار وحركات وغيرو
هادي بالنسبه لبعض العادات عندنا
طبعا دحين البعض يعملها والبعض اكتفى بالزواج لتقليل المصاريف
عقبال مانفرح فيكِ اسماء بس ماقلتي الفرح بالمغرب وا بتونس علشان احضر وافرح معاكِ
الله يسعدك يارب ويجعل ايامك افراح بأفراح