منتديات بعد حيي - عرض مشاركة واحدة

معرض الوسام · 06-21-2012, 03:14 PM

ياكثرهم .. لا قلت لك .. عرفة وجيه =وياقلهم .. لا قلت .. قـدر ومعـزه

رجلٍ .. تعزه بعد ماتلتقـي .. فيـه =ورجلٍ .. قبل ماتلتقي بـه .. تعـزه

ورجلٍ .. ترزه بالمجالـس مباديـه =ورجلٍ .. فلوسه بالمجالـس تـرزه

ورجلٍ .. يموت ولا يجيبون طاريـه =ورجل ٍ .. يجي طاريه في كل حـزه

ورجلٍ يهزه .. بعض موقف ويشقيه =ورجلٍ .. مهوب أيّات موقف يهـزه

ورجلٍ .. ضعيف .. ويستفزه معاديه =ورجلٍ .. كلام اعداه مايستفـزه

ورجلٍ .. تلزه يعترف لك .. بخافيه =ورجلٍ .. على خافيه .. محدٍ يلـزه

ورجلٍ .. يوزونه .. ويزعل بنيخيـه =ورجلٍ .. يزعّل من يحاول ، يـوزه

ورجلٍ تكزه لا زم انك توصيه =ورجلٍ .. بليّا ما توصيـه .. كـزه

من لا فرش للمرجله ماتغطيه =ومن لايخز .. الناس .. محدٍ يخـزه

ان كنت تعرفني فهي .. عرفة وجيه =مو شرط لك بالقلب قدر .. ومعـزه

صح لسانه
بعض الابيات تنطبق علي
احس اني فجاة صرت رجل...

حمد الشمري
سلمت على نقل القصيدة