ياقمر خمسة عشر وين أختفيت
. . . . . . . عـن غيـابك باقـيـــاً وقـتٍ طـويل


في مسيرك ياقمر توّك بديت
. . . . . . . باول المشــــوار تــوّك لاتمــــيل


مابقى من وقت يكفي مابغيت
. . . . . . . أعطني من وقتـك الواسـع قـلـيل


لجل أشوفك بس وأفهم وش نويت
. . . . . . . وأعرف أسباب إنقطاعك ياجميل


والله ان العين تبكي لو سريت
. . . . . . . ياجميل الوصـف دمعـي لا يسيل


ولو دريت بوضع قلبي مارضيت
. . . . . . . بعـدكم وشلون يقبـس بـه فتيل


ياقمــر في غيبتك كم أنكويت
. . . . . . . وأتحـــــــرى شوفتك في كل ليل


لاتفـــكّــر ياقمـر أني نسيت
. . . . . . .لاتعاقبني بصدّك والرحيل



شعر/ فضي الهدباني