عيدك سعيد اخويا شيخ
انا اعتبر العيد دحين للاطفال فقط لانو هم الي يفرحو فيه وينبسطو
اما نحنا الكبار موحاسين فيه ماأدري ليه الشعور هادا طاغي علينا
بكرا إن شاء الله العيد عند الوالد ويلا حياك إنت والجميع غداء طبعاً
وابويا بما انو كبير العيله حيكون العيد عندو أول يوم وباقي الايام نطلع إستراحات وكل واحد ويومه
السنه هادي انا كمان بعيد وإشتريت عيديه بس مدري ايش أعمل فيها هههه
بالنسبه لمشتروات العيد لازم نشتري حتى لو أمس شارين عارف طبع الحريم إدمان ع الشراء ع الفاضي والمليان
بس الحمدلله مشترياتي بحدود لبسه لاول العيد وتاني العيد وتالت العيد ورابعه بس هههه
عن جد عيد الأضحى يختلف عن عيد الفطر بكثييير ومافيه احد معطيه إهتمام
بس عندي ملاحظه ومستغربه منك شيخ تفكيرك مو زي الشباب دحين من ناحية اللبس الا بجد كم عمرك هههههه
وبكرا إن شاء الله احكيلكم ايش صار في العيد
يعطيك العافيه اخويا شيخ