06-18-2006, 03:52 PM
|
#1
|
|
بيانات اضافيه [
+
]
|
|
رقم العضوية : 270
|
|
تاريخ التسجيل : Sep 2004
|
|
أخر زيارة : 08-24-2023 (12:11 AM)
|
|
المشاركات :
10,060 [
+
] |
|
التقييم :
190
|
|
|
لوني المفضل : Cadetblue
|
|
انا وعجوزي محاوره
منذر
قلبـي شبـاب ولـزوم انــي اعــرس
مـا ابـي العجـوز الـي تتوسـد البـاب
الخيـر واجـد وانــا مـانـي مفـلـس
عندي فلوس تدعم البنـك فـي الحسـاب
العجوز
مـا باقـي غيـر خشـمـك وهالـضـرس
تبغي تعرس وانت وجهك شبه الغـراب
قابـل صلاتـك الله يشفيـك مـن الـمـس
او تـرى بطـب وجـهـك بهالـتـراب
منذر
إنتي عجـوز وأكلـك الـروب والخـس
اما انا مـا باكـل غيـر تكـه و كبـاب
ما فيني سكر غيـر ضغطـي نـازل بـس
دام الهوى فيني ترى كـل شـي طـاب
العجوز
لا بارك الله فيك يـا منذر النحـس
ما تنفع معاك الرمسـه ولا كـلام العتـاب
قصر لي صوتك ما ابـي اسمـع ولا حـس
عطني طلاقـي وانقلـع واقبـض البـاب
منذر
دومك نحيسـه وذا لسانـك يبـي قـص
ربـي تـرى حلـل لـي اربـع بالكتـاب
هذا خميس الاعمى جارنا كم وحده اعرس
مرتاح فـي الدنيـا بلـى هـم واعصـاب
العجوز
بطران وراسك كالصخـر يابـس وعـص
مالـوم طبعـك يـوم ربعـك هالـكـلاب
صايـر زي الاريـل ودومــك اتحـيـس
استـح علـى وجهـك أصـلـع ولـعـاب
منذر
فكيني من وجهك ترى مالـي أي نفـس
زهقان من شوفتك وابغـي لـي أحبـاب
وهاذا طلاقك و طالقة بالاربـع والخمـس
شيلي طلاقك مـن ضميـري بـلا احسـاب
العجوز
مشكـور يالشيبـه ومــن دون أي دس
عندي حبيـب مـا ابتعـد لحظـه وغـاب
يشريـك ويبيعـك تـراه ابثمـن بخـس
ما تسوى ظفره وهو حلو اسمـر وجـذاب
منذر
يالله قـبـل لا مــوت مـنـك واقـتـص
طلعتي لـي قـرن وراسـي بعـد شـاب
يا شينـه البرقـع تـرى قـدرك اختـس
عجوز ولك فـي الدنيـا خـلان واحبـاب
العجوز
ترى مثلك وهذا لـك فـي العمـر درس
لانـي أميـز بـيـن شيـبـه وشـبـاب
او نسيـت انـي علـى الموضـه ألبـس
مـا علمـوك انـي بـلا شيلـه وحـجـاب
اهبي عجوز
شكرياتي لكم
|
|
|
|