[flash1=http://im38.gulfup.com/wi9TL.swf]WIDTH=1 HEIGHT=1[/flash1]
شيلة ( هذآ مكآنه ♡ ) للشاعر مساعد الرشيدي
أداء المنشد المبدع أحمد الرشيدي
عندك كلام وفي عيونك مشاريه
على نحيل ذاهب ذيهبانه
وجل(ن) صويب مسلوعات لياليه
يقطف مزاهير الندم في بنانه
عيت تضحكه السنين وتبكيه
الا على حسب الثقه والميانه
اما انه اصلف من زمان(ن)غدر فيه
والا انه اوفى من ليالي زمانه
يا مورد(ن)صدري مهالك مضاميه
ومجرد(ن)صبري ثواني طمانه
تنشد عيوني عنك واقول شوفيه
بين اجتماع الشوف به وغديانه
حلم يراودني من التيه للتيه
فج الضلوع وقال "هذا مكانه"
وليا تمنى قحويانه بختريه
ميل بختريه على قحويانه
وليا درج سرج الحكي بين اشافيه
ابراي لله من تبجح ثمانه
ما شفت قلبي ؟ ماوصفولك حراويه
ياكيف ضيعته وهو معك امانه
[/ALIGN][/CELL][/TABLE1][/ALIGN]