خلاص ماهـي غريبـه قلبـي يتلقـى طعـون *** وإن خف أو أنطفـى جـرح تجـددت جـروح

تعـود قلبـي يمـوت كـل يــوم مطـعـون *** ولجل تطعـن قلبـي تسابـق سهـام ورمـوح

وهذا الحـزن منـي وفينـي آهـات وشجـون ***آهات تعـزف وسـط قلبـي وتعـذب الـروح

أحاول أهرب أخبي حزنـي بعيونـي والجفـون*** ماأبغى دموعي تحكـي عـن حزنـي وتبـوح

من غيري اللـي شفـت مـن العـذاب فنـون *** من غيري اللي بنيت على همي عالي الصروح

ولو تجيني الشدائد ماأضعف قدامها ولا أهـون*** وأنا أعرف أن الشدائد تجي يوم ويوم(ن) تروح

دنيا غريبه والجميـع عـن سواياهـا يحكـون*** يحكون عـن قصـص الخيانـه فيهـا تلـوح

وين الوفاء وين وأنامالقى غير كل(ن) يخـون *** وين الصدق ويـن الطيبـه والقلـب السمـوح

وأنا بنت رغم الجروح ماقسى قلبهـا الحنـون *** وارفع نفسي عن المذله ولو ذبحتني الجـروح

وهذي الدنيا مافيها شيء لاجلها كل(ن) يهـون*** دام العمر قصير والجسد تطلـع منـه الـروح

الا ديني الاسـلام لاجلـه كـل شـيء يهـون*** ديني الاسـلام أفـداه بدمـي وأفـداه بالـروح

وهذي القصيده كتبتها بدمـي ودمـع العيـون*** وهذي الابيات طلعت من قلبي وطلعت من الروح