منتا ولد ضاري ولا خال نمشه=تغزز اصديرك ولا دري على ويش
ابو حمد ضبٍ تغطى بدفشه=شفتك على خيل الاصايل يابو كديش
لا حال من دون الخوي فيك رعشه=متخوفن من قومتك ياقرقيش
وتقول ماتعرف خويك و غبشه=قنع ارويسك مع خواتك ببخشيش
وين القاء من صدر ضيمك وغشه=شفتك فديته يوم يهتز بك طيش
وياجرح لا تجرح لياليك فرشه=وتبللت مع جرهد الذل فركيش
فاحزم ضلوعك والقا عند عرشه=ومنهو دفن في صاحبه يابربيش
مادام كلن ينطحك فيك ربشه=ياحلو زيلان القراده مهابيش
ولا نتفخ من هم ضيمك وفشه=نتف دجاجتها على ضربت الريش
ولا سكن لليله تكون المنشه=تجمعوا في جرهد القول تشويش
وابعطي العالم حقوقك بحشه=للي يصفق لك على البيض تفقيش
عدل وزن بيتك قبل لا تدشه=واحذر تجمع في كلامك عراميش!!
وش رايكم نلعب على القاف حبشه=ولا نتدروش مع زمان الدراويش