كيفكم جميعاً
بالنسبه لكلامك اخويا شيخ المافيا
والله الي اشوفو عندنا وخاصة في الحرم شئ مو معقول صايره الساحة حديقه عامة
لجميع البزوره وخاصة الزوار
يسرحو ويمرحو براحتهم وجميع انواع الإزعاج
وهادا من غير داخل الحرم احيان ما اسمع صوت الشيخ من صراخهم وبكاهم الله المستعان بس
انا اقول الي عنها بزوره وصغار صلاتها في بيتها أفضل لها ولاتكسب إثم بالناس الي جايه تصلي
وزي ماقلت ياشيخ فيه ناس كبيره بالعمر وعقلها لساتو قد النمله او فاهمه وعامله حالها مو فاهمه
وتبغى اولادها تتونس ع حساب غيرها والتربيه مش ولابد
الله يهديهم بس
الا بسألكم " شو رايكم بالي يجي يصلي عندنا هنا بالحرم ويعمل نفسو فاهم وخاصة لموظفات الحرم
مثال صحفيه من دوله عربيه تتفلسف علينا وتقول حتفضحنا بالجرايد ع قولتها وطبعاً الموظفات ماشيات ع النظام
وتعرفو تعب هالشغلة وخاصة في رمضان صعبه حيييل مع الزحمة الي صايره
وامس حصل موقف من سيدتين من المغرب العربي وانتو انتو وانتو ولو الحرم بيدنا كان عملنا وعملنا <<< ناس مايرضيها شئ
ولا ويقولو حيشتكونا للسفارة الأمريكيه كمان <<< ناس بجد ترفع الضغط
وسلامتكم