العيون الضريرة
السلام عليكم ورحمة الله وبركاته
لو كآن كل ماعيني تمنآه بتلقآه ,, إن كآن عالجت العيون الضريرة
واسعدت لي حزنه من الوقت بكآه ,, وضويت للعآني دروبٍ سفيره
ومسحت دمعً طفل يتمه تحدآه ,, ننفسه من فرآق الاهالي كسيره
والشآيب اللي مالقى حد يرعآه ,, ترعآه عيني يوم عينه ضريرة
واللي اعتزآبي يبشر بما تمناه,, بجعل ضلوعي له ضلالٍ ستيرة
وأسعف عزيز مآشكى النآس بلواه ,, يشكي لرب مطلع بسريره
كبر الطموح منوخ بي مطايآه ,, ولا هي غريبة دآم عيني سهيره
الحر نفسه للمطآليع تحدآه,, وأن هد صقآره تفآخر بسيره
من يدفعه عزمه وطيبة ومجنآه,, يمشي بنهج اهل بنسلً وديره
لو كل رجل قرمٍ ورث مزايآه ,, ماصآر لاصحاب التوآريخ سيره
احدن يباه الطيب عاني ويخطاه ,, واحدن عناله لو دروبه خطيره
ياكم كريم تفعل الطيب يمناه ,, يمد لو كآنت ظروفة أسيره
هذآ الزمن اهل المكآرم ضحآياه ,, تخالط من النآس شره وخيره
ياعين من يبني على الطيب مبدآه ,, لو عاكسه حكم القدر مايضيره
وانا زمآني ضامني من سوايآه,, كل ماتزايد قسوته قلت خيره
ياصآحبي صبح الامل طول غفآه ,, والحلم ماشميت تزاكي عبيره
صآرعت ياسي واتكآلي على الله ,, ولاخآب من له رب البرايآ نصيره
يالله ياللي كل عبدً ترجآه ,, تفرج له عينه من عنآه سهيره
كلمات \ فزآع
|