ياذيب.. ياللي عالي الجال ترقا=قبل الشروق الشمس ترقاه وتويق
الجو صافي والسماء فوق زرقا=والارض من تحتك سهول وطواريق
بالصيف عن حر الملاهيب نرقا=ضلن تحت هاك الصخور المدانيق
ولك بالشتاء عاليه مزبن وشرقا=يداعبك ضو الضحى بالتشاريق
مانته مثلي تايهن وسط برقا=في مهمهن جوه عجاج وتواهيق
لوا هنيك فيك الاشواق غرقا=ماولعت جمرة غضاء بالمعاليق
وانا بصدري نار الاشواق حرقا=يذراء رماد الشوق بعد التحاريق
يطرق فوادي كايد الهم طرقا=واجمع شتاته بالضلوع المغاليق
ياذيب.. يدرقبي له سنين درقا=جور الزمان اللي فعوله مداريق
يسرق نعاسي لاقبل الليل سرقا=والموق عبراته تهل المطاليق
تعبت اشيل الحمل..اميل وارقا=معاد بي حيل على الهم والضيق
يبست غصونٍ بأول العمر ورقا=واليوم ذاوي مابقابه تزاريق
ليت الزمان يعود من عقب فرقا=واقطف ثمر ذيك الغصون المواريق
وأبنصحك.ياذيب.لاعاد.ترقا=عفون خلق الله..بذبحك..مسابيق!!