عبدالرحمن عادل الشمري
.
.
مو سهل يوم الوداع
مو سهل رحلة ضياع
تدري روحي لفارقت روحي
تدري بيدي الجم اجروحي
ما تمر ليله وأنا بديرة غرب
إلا والقالك يا محبوبي قرب
وهذا حال اللي يحب
كل مساء بلياك ظلمى
وكل مساء وياك قمرى
ودمعتي لشوفك سعادة
ودمعتي لفرقاك حمراء
اسأل الغربي اليهب
اشلونه محبوب القلب
فدوه لعيونك يا غالي
سامرت مية نجم
وادعي من ربي انتلاقا
ساعه ويطيب الألم
امصبر بروحي غصب
بس اسليها جذب
لا تقلي ما تذكر
أني اصلا ما نسيت
بالله مثلي اشلون ينسى
وأني طير وانتا بيت
ووجهي بوجهي انكتب
كل نخل منك شموخي
وكل هواء منك صلاة
وكل دمع حرق اعيوني
هاي دجلة والفرات
وقلبي هو شط العرب
آه منك يا زمن
لو علي مرة تحن
تدري حكمك حيل قاسي
وتدري لو تعطي تمن
وتدري كل غربة خسارة
ما يعادلها ثمن
وتالي ما تالي بلحظة
تسلب العاشق وطن
بيع واشريه بذهب
ولا تكون أنت السبب
...



الشآعر \ عثمان المجراد

,,