منتديات بعد حيي - عرض مشاركة واحدة - صُورهُــم تـَ تقاطــر شِعــراً .. تفاعلكم مطلبنا ...!

معرض الوسام · 12-19-2013, 03:00 AM

الشاعرة سلومه

ياقـيس ماجـالـي زماني على الكيف
والـوقت يابن الناس كثرت شطونه
الشـعـر لـلشـاعـر كـمـا دلـة الكـيف
فـنـجـالـهـا كـل الـبشـر يـشـربـونه
احيان اشوفه في منامي كما الطـيف
واليا صحيت اقفى وضاعت الحونه
مثـل السـراب الـيا قفته العواصيف
وحـال الـعـجـاج وبارق الياس دونه
الشعـر بـاح ولابـقـى الا تـنـاتـيـف
مثل الـخـيـال الـلـي تـلاشـت مزونه
ولاني على الماضي كثيرة تحاسيف
دام الـزمـان الـشـيـن كشـر سنـونه
والـوقـت قالـواسرعته كانها السيف
ان ماقـطـعـتـه يـقـطع ايداك شـونه
ولولا الحياءلاويق رؤس المشاريف
واجـر صـوتـي والـعرب يسمعـونه
والـزورق الـيـا صار مـالـه
يغـرق بمـوج الـبحـر مايـنـقـذونـه
هـذي الحقـيـقـه كانها بارق
مـالـه مـطـر والـرعـد مايسمعــونه

الراوية والشاعر / فواز الغسلان