منتديات بعد حيي - عرض مشاركة واحدة - صُورهُــم تـَ تقاطــر شِعــراً .. تفاعلكم مطلبنا ...!

معرض الوسام · 12-23-2013, 12:16 AM

[frame="7 80"]

الشاعر \ محمد بن ساقان

حبيبي الحزن لا قلّطتك عيوني
رتب كنب ضحكتي في مجلس اهدابي

وتمرك عوج الحنايا وافرش شجوني
أنت المعّزب وضيفك باقي أعصابي

مابعدك الاّ التعب واقصاك من دوني
وما قبلك الاّ ضعون الصبر وركابي

وهذي فراغات عيني من ورى نوني
تغرف من الصمت دمع وتسقي كتابي

والصمت عشعش على شفاهي ومكنوني
قام يتعرّش من الحسره جذع نابي

وجريد وجهي عسيبه يبس ومزوني
جهّت قبل لا تلقّح بكرة ترابي

والشمس ترقى السما وتهل بـ جفوني
قطرة عرق من جبين الوقت تندابي

والمغرب اللي يصب من الغسق لوني
وشلون يمحى الضيا في لوحة غيابي

حبيبي الحزن بسولف على ظنوني
مليت اسولف على غيري وانا مابي

بردٍ تنحنح وحيفه وأرعب غصوني
وأشعلت من منقد العشاق مشهابي

وأكن تبغ والوجع ويكح غليوني
من مابي اللي يضيق بـ كثر يامابي

والصبر مفتاح والضيقات صكوني
من وين بـ القى الفرج لا سكروا بابي

مليت اجي لك من الضيقه على هوني
ومليت اروّح وأنا اتعابي هي اتعابي

قلت اتوكا على اصحابي وهدوني
على رفات الدروب وضيعة احبابي

عرفت بـأن الوجيه أشباه بـ عيوني
أصحاب حزني ولا لـ أحزاني اصحابي

حبيبي الحزن تدري ويش بردوني
شيٍ سترته على ردونك وعرابي

ثيابي أول افصلها على متوني
ومتوني اليوم أفصلها على ثيابي

الشاعر / فهد عافت
[/frame]

الموضوع الأصلي: || الكاتب: بندر الساكت || المصدر: منتديات بعد حيي

www.b3b7.com

كلمات البحث
مواضيع اسلامية، مواضيع عامة، قصائد، هاكات ، استايلات