[frame="1 80"]





الشاعر / يحيا الخالد
احبك والوله فيني يبان بنظرة عيوني
احبك يانظر عيني وانا لك عاشقٍ ولهان
انا يامن سكن قلبي بحبك صرت مجنوني
الا ياليت تسقيني من اشواق الوله عطشان
كلامك رقتك طيبك وضحكاتك ينسوني
همومٍ عايشه فيني تعذب قلبي الحيران
ادور فرحة ايامي معك يافرحة شجوني
انا ودي اعيش الحب معك يابلسم الاحزان
ترى بعدك يعذبني يزود فيني طعوني
انا مو ناقص فراقك بدونك عايش بحرمان
بدونك تكثر جروحي وانا اسمعهم ينادوني
تعال وداوي جروحي تراني من البكى تعبان
تعبت من البكى والنوح ابي نظره يامفتوني
احس انك تبي قربي ولا تقدر على النسيان
ترى مهما جرى منك ومهما زادت ظنوني
انا باقي معك وافي مادامك ساكن الوجدان
خلاصة كل ما قلته يبان بنظرة عيوني
تقول إني احبك حيل وإني لشوفتك ولهان



الشاعر هلال المطيري
[/frame]