.

مدري وش اللي ؟ مزوّد الحساد .. سـودان الوجيـه
لاني ( سحبت بساط ) ولانـي ( قلبـت الطاولـه )


( فشلت ) ! بس آدري إن كل حصان له كبوه تجيه
وحتى ؟ في عثراتي .. قذتنـي الآلسـن المتطاولـــــه


ماينفع العٌراب كثر الطيـب .. والقلـب النزيـه ..
جمايله ضاعت ؟ فـي وقـت ٍ .. ماصفـت مآولـه


من ضاع فـي دنيـاه ماتفـرق معـه .. لـوّه يتيـه
وإللي يـذوق ( التـوت ) مايستطعـم ( الفراولـه )


وإللي تداول في ( آحاسيس البشـر ) ماهـو سفيـه
قبله ( صناديـق الذهـب ) فـي سويسـرا متداولـه


وإللي عشق في دنيته ,, شخص ودرى إنه مايبيـه !
بيعـرف وش ظيـم الزمـان ! ووش كبـر مهاولـه ..

صار الوفا .. ماهو وفا ؟ صار العـذر ماهـو وجيـه
صـارت ( مفاهيـم الحيـاه ) ,, بـ وقتنـا متقـاولـه ..

حتى آبسط حقوقك ! تنـازل عنهـا مـن دون [ ليـه ؟ ]
هـذي قوانـيـن النـظـام .. ورتـبـوا جـداولـه . . . .

طبع البشر واحد ,, وفيهم من قطع ,, لوك تجيه
لا آحتاجـوا مـن الآدمـي ,, تذكـروه وجـاولـه !!


لاتحسب تحقيق الكمال ؟ إن ماقدرت تضيـف إليـه !
تحقيقـه إذا ماقـدرت .. تحـذف شــي تـزاولـه ..


الصبر: معيـار النجـاح .. وميـزة العقـل النبيـه
والعزم: عملـه نـادره .. وآهـل النجـاح اتداولـه


ماقول: ( طموحي فشل ) على الآقـل حاولـت فيـه
حتى ! ولو فشلت .. ( يكفينـي شـرف المحاولـه )





.