منتديات بعد حيي - عرض مشاركة واحدة

معرض الوسام · 04-19-2014, 02:20 AM

ياطول بالي على تالي شهـر ستـه
ياوجد عيني على اللي مشغلٍ بالـي

الجادل اللي عليهـا الحـال منحتـه
ان عودت من سفرها عودت حالـي

من عقبها اظلم على الكون والحتـه
يالعنبو الحتـه اللـي مالهـا والـي

النصـف الاول مـن الايـام فوتـه
والنصف الاخر من الايـام عزالـي

والمشكله ما هو اللي فات وافختـه
المشكله كم علـى الميعـاد يبقالـي

القلـب مـا عذبـه ياكـود سيدتـه
مدري وش مسلط الغالي على الغالي

قولو ا لها كبد راع الولـف منفتـه
ماهو بحـقٍ تخلينـي علـى فالـي

اما تجود صخيـف القلـب وتبتـه
والا تعود علـى وتصلـح احوالـي

جيت استشاري القلوب وعفت فايدته
مسكين كنه يصوت بالخلا الخالـي

هو ما درى ان العلاج بدون رشتـه
نظرة غلا ويتعافى القلـب طوالـي