يوم قفىٰ موتري بي عن الديره
مهو شرط انه قرانيس وصّقاره

اتمشى بالفياض ونواويره
كل. نواره تلوح لنواره

كل مابطىٰ مقّفين بي خلا خيره
اتريح كل مابعد بمشواره

كل ماصابن من الهم تكفيره
من حساني جنة الخلد وثماره

البشر بامر العزيز ومقاديره
لوتناطِح غرالامزان ب ادواره

من يحسب انه ولا واحدٍ غيره
المثل .. يقول .. الايام ..دواره

كل قومٍ له عقيد وسبابيره
وصايد الاسماك طعمه وسناره

من عرف طب المواجع نسى الحيره
الحكيم دواه وصفات محباره

يوم كلٍ بالظحىٰ دلهه طيره
دلهن بدواية النسر مبهاره

الشاعر/ متعب الفارس بن طواله