|
طاح الغلا
مدخل
غايبي : عدّى على فراقك فصول
آخر اللي اذكره فصْل الشّتا !
ضيقتي والصّبْح والورد الخجول
: كلّها تسأل " متى يرجع متى "
عمق
الجـــرح ,, للقــلب والايـــام . ودروبي
واللــيل من جابني يمــّه ؟ ووداني
كم لي سنه والجفا صوتي وعذروبي
أخـاف لا ينــتهي حــزني , ويلــقاني
مشـكور يـا خاطري و آسف يـا مكتوبي
أزريت اقول الكلام اللي على لساني
وش كانت الذكـريــات وكانت ذنـوبي
ثنـتين والعـذر كـان اكبر من أحـزاني
ثنـتين بين العــذول , وجـرح محــبوبي
الاول يهــون ,, والشرهه على الثـاني
أحـس دار الزمـــان ,, وغيـّر اسـلوبي !
حتــى اقــرب النــاس خليــته وخلاني
أن جيــت برضــاي والا رحـت مغـصوبي
الحــين مـا كل شـي يهــز ّ وجــداني
يمـكن كبـرت أو نسيت العام مطلوبي
يمـكن تغــافلــني الحــلم ,, وتعــداني
والدمعـه اللي تــروح وتلتــفت صــوبي
تركتــها فالضــلوع ,, وصــرت وحـداني
يـا جــروح الايــام , مـا مليـتي دروبي ؟
خليــني ارتـاح لـو مــره على شاني
مخرج
طآح الغلآ وازرى خفوقي يلمّه
.... وغطّت يدين الوقت وجه الحقيقه
جيتك وهرج الشوق مآله تتمّه
.... ورجعت وجروحي عداد الخليقه !
ونسيت كل ايآمي المدلهمّه
.... لعيـون بعـض الذكـريآت العتيقه
لاارواحكم النقيه
|