|
ميلاد روحي
آجيك، وفيكَ أحتفل لو كان فيني أعظم زعل
في عيد ميلادك (...) ما خبروك أنتَ لها
لو م احتفلت بحب عمري قول في مين احتفل
غيرك ولد أو مات مدري ولا طرى في بالها
في كل عام تكبر بشانك وأنت في قلبي طفل
تعيش لي وما آشوف غيرك بس أنت تحلى لها
للحين باقي تنتظرني.. كيف ترجع منخذل
آعـايـدك وبـكل مـابي قـال يـحبك قـالـها
وللحين قلبك ما أرتوى وللحين يضمى ما خجل
ما انهز، يطمع في شعوري لين تفضى ادلالها...
الحب ذاك اللي سكبته شي ألذ من العسل
ما قد نضح قلبك حبيبي، حتى ردّى حالها!
قل لي حقيقة أو خيال أفجر اشعاري غزل
تغتّر من عذب الجُمل وتقيّدك بوصالها
أوعدك أني أبقى معاك وبكل عامٍ نحتفل
في وصلنا وحال الزعل لأنك حبيب آمالها
أشعل لك عيوني دموع تَطْفيها في نفخة وصل
والروح لك أعظم هدية، محد غيرك طالها
الليلة ميلاد الحبيب! الليلة ميلاد الأمل!
هو يوم سعدٍ للأرض ميلاد سيد ارجالها!
الليلة يا سيّد فؤادي ما كتمته أرتجل
حبٍ يحرك كل ذرة اتهنّيك بفعالها..
شوف الأرض مغرورة فيك ولّا الرمل؟
حتى البحر لا مد موجه هنّأ فيك ارمالها!
في هذي الليلة انخلقت لريم وتبقى للأزل
مكتوب لي زي ما انكتب اسمك وسط سلسالها
آجيك وفيكَ أحتفل لو كان فيني أعظم زعل
في عيد ميلادك حبيبي انخلقت أنتَ لها
ريم
|