السلام عليكم ورحمة الله وبركاته
قصيده معبّره ..
لشاعر عبدالله الحمياني
[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
قدة نحرهـا تنتخـي ويـن الإسـلام = مافيـه واحـد ذاق طعـم السجـودي
غـزه تصيـح أم الأرامـل والأيتـام = ولبنـان تصـرخ والعـراق مهـدودي
وكم واحدِ من شـدة الخـوف مانـام = صوت المدافع مثل صوت الرعـودي
وناسٍ ذبحها الفقـر والجـوع صَيـام = متلاصقـات عظامـهـم فالجـلـودي
وأنشهد إني صحت من جور الأقـزام= اللي تطاول عـرض ذيـك العنـودي
قامت تصيح من القهـر تـرزم إرزام = ويقـول يابـنـت العزيـزيـن زودي
يعني يبا يفـزع مـن السجـن صـدام = والا الجيـوش إَمركـزه فالـحـدودي
وقالت وبأعلى الصوت قدام الإعـلام = قالت ودمـع العيـن يمـلا الخـدودي
ماعاد نبغى سلاحكـم عقـب الإعـدام = نبغى حبوب الحمـل ضـد اليهـودي
والله يلعـن مـن سمعـهـا ولاقــام = دمه يفـور وعـن حماهـا محـدودي
والا ورقنا مـل مـن حبـر الأقـلام = ولا عاد ينفـع غيـر قـدح الزنـودي
تكفى يابـو متعـب ليـا قلـت قـدام = تلقا جميـع الشعـب قـدم الجنـودي
مـادايـم الا الله ولا دايــم أنـعـام = ولا فيـه فالدنيـا مـقـام وخـلـودي
متى علـى الله تجتمـع كـل الأعـلام = ويصيـر للإسـلام عـز وجــودي
إليا بكى الصومـال جاوبـه الأهـرام = وليا شكـت كشميـر عنهـا نـذودي
وإليـا إنطعـن واحـد تقاسمنـا الألام = لأن الجسد واحـد وضـره يسـودي
وإليـا تلاقيـنـا بعـبـاد الأصـنـام = يلقون جنـب الزنـد عشـرة زنـودي
ناطا علـى روس الأعـادي بالأقـدام = ونقـول ذوقـوا ياعيـال الـقـرودي
من لم يمت بالسيف لو عـاش مـادام= وعاش لـه ساعـه وقـت محـدودي
إما يعيـش بعـز وإصـرار وإقـدام= ولا حياتـه عـنـد رب الـوجـودي
لا تحسبن اللـي قُتـل مـات ياحسـام = حتـى ولـو حطـوه بيـن اللحـودي
الله رفـع روحـه لجنـات الأنـعـام= حـيَ ويـرزق عنـد ربِ يـجـودي
وحنا نعيـش الـذل عـام ورى عـام = ناكل ونشرب تحت رحمـة حقـودي
يعني على الميت ترى الدفن الإكـرام = ياليـت تدفـنـا رمــال النـفـودي
يومنهـا بالعـز وإسلامـنـا حــزام = تجـاوز الإسـلام كـل الـحـدودي
ويوم العرب تطرب على صوت الأنغام = صـارت أراضينـا سهـودِ مهـودي
وصـارت تكفَينـا مواثيـق الأوهـام = وكل مايزيد الطغـيَ زدنـا عهـودي
نصبر ليا شفنا مـن الكفـر الإجـرام= وكـل مايزيـد الـدم زدنـا بـرودي
ولاعقب صيحتها على عيال الإسـلام = نبغى حبوب الحمـل ضـد اليهـودي
والله لو صاحت لصـم الصخـر قـام = والا تفجـر غبـن مـن هالـلـدودي
لكن على الميت ترى الدفـن الإكـرام = ياليـت تدفـنـا رمــال النـفـودي [/poem]
منقووووووووووووول بكــل قهر وغبن ..
عشووووووووق