ياسلام الله عليكم ياهل السيف الحدب= عزوتي ناسي وحيّي من جنوبه للشمال
ناسي اللي لو تعزويت انتخي لبّو طلب= عزوتي سكّان صرحٍ في بعد حيي يقال
في طوارف نجد شوقي للشمال اشعل لهب= والوله لاجمل بقاع الارض قطعني شِلال
صرت مقوى البعد عنها وان بعدت القى تعب= وابكي بحرفي لعلّ اسلا تناهيتٍ طوال
حايل أمّي حايل اختي حايل الحبّ العجب= حايل الحب المأصّل في جوابي للسؤال
دمع عيني من فراقه لاوربي مانضب= كلّ ماتطري عليْ انثر لدمعاتٍ ثقال
وانتخي شعري وفكري وارسم الوصْف العذب= واعزف اصدق حرف قيل بامنا ام الرجال
لاقصور ولا اهانه في بلادٍ كالذّهب = كالدّرر حبه بقلبي فاق تصوير الخيال
وارجع لامي عروس الارض لي شفّ ورغب= انثر لعينه مشاعر حبّ واشواقٍ جزال
حايل اقوى حب عشته حايل اوّل من أهِب= قلب نواره وروحه والمحال اكذب محال