احترام الذات وتقدير البشر ** من خصالك يالرشيد بن الرشيد

كم توليت اليتامى من الفقر ** وكم تغنى في حنانك هالوحيد

ماقصدت الصيت مقصدك الأجر** والنوايا تسبق العلم الأكيد

ياطلال اليوم من وين الصبر ** واسمك اللي عاش يسبقه الفقيد

ياكريم الساس ينعيك السطر ** وكل حبر سال بالراي السديد

الرصاص الي وصل لك بالغدر** مارضى.. بس القدر ضمك شهيد

اشهد ان الكون بعد مايسر ** دام زولك عن محاجرنا بعيــــــد

حن لك عهد الفيافي والقمر ** والصقور اللي مخاويها فقيد

والسحاب اللي تحت ظله تمر ** والغضى والنار والبرد الشديد

سيدي لو دمع ساري انهمر ** ماترجعك الدموع ولو تزيـــــد

وش يفيد الشوق واحساس الشعر ** دام (ابو نواف ) مارد النشيد

القدر سابق وما منه مفر ** والشهاده خاتمه لك يالسعـيد

الرصاص اللي تسلل بالغدر ** مارضى ...بس القدر ضمك شهيد

رحم الله ابو نواف

.
.
.

الـساري

.
.
.

طاب يومك شاعرنا
وهو ياسمين سلم لنا قلبك
وتلك الابيات التي اشعلت
فتيل الحرف فقلنا يا قوافي
كوني برد وسلام على أرواح
الناظرين خرجت أدق الخشب
ليدوم احساسك شاعرنا
اشكر من اعماق قلبي على تلك
القصيده الرائعه
يستاهل طلال رحمة الله
.
.
.

جل التقدير