علامك يا زمن دايم توازني علـى اقصـاي = تعد خطـاى والغلطـه مـع غيـري تعديهـا
عجزت اقدر ابين لك مدى صبري على بلواي = وتعبت اصبر على دنيا علي ترمـي بلاويهـا
مشيت دروب ماسأتي وانا اشيل الألم بحشاي = ارجع ماضـى سنينـي وادور ستـر باقيهـا
تعبت الملم شتاتي يساري تصفـق بيمنـاي = اعض من الندم صبعي على فرصه عطيتهـا
متى ياحظي العاثر تساعدنـي علـى دنيـاي = حرام انك تزعلني لجل يـا حظـي ترضيهـا
ابي احكى وسولف لك حبيبي ما جرى ويـاي = ثمان سنين والغربه لـك الله رايـح ارويهـا
خذيت من الزمن اكبر هديه ظلـت برجـواي = حبيبي اكبر همومـي امانـي كنـت راجيهـا
تشيد فى وفاء حبك حبيبي قصـري ومبنـاي = قصور ومـال هالعالـم تأكـد مـا تساويهـا
لقيت بحبك الدنيـا تغنيلـي علـى مغنـا ي = ولقيت فبسمه شفاتك حيـاهٍ ضـاع راعيهـا