.
تصفحت الشمال وكل حب في ضلوعي سال=وانا مشتاق لكتاب الشمال .. وريحة سطوره
قريته من جنوب جبال حايل "لزعبل" "لقيال"=واحس بداخلي مع كل صفحـه تنولد صوره
تهيجت الشوارع كلها زحمه وطيش اطفال=تهيجت البيوت وكل بيتٍ يحضنه سوره
لمحت الشمري صفحة وفاء بين الورق تختال=قريت الطيب وحروفه من اول سطر محفوره
لقيته بالرضا مثل النسيم وبالغضب زلزال=لقيته بالرخا غايب وبالشده برز دوره
إذا صوته تكلم استحى صوت الحسود وزال=أفا.. كيف يحكي حساده وصوت المره عوره ؟
ترجاه النفود ليا مشى .. يمشي بدون نعال=تبي تحفظ بقايا خطوته .. وتعيش مغروره
هنيك يوم شمر يالشمال اختارتك منزال=عرفت الحين وش خلا الصباح تغرد طيوره
هنيك يالطنايا كل يوم يدوس بك خيال=أجل كل يوم وارضك من سحاب العز ممطوره
هنيك والله يعينك على الحساد والعذال=يشوفون القمر من فوقك وكلٍ يشتهي نوره
.