تولـعـت والـمـولـى رمى الـقـلـب فـي بـلـواك=والاقدار حـطـتـني ضـعـيـفـن بـبـيـبـانـك
جـحـيــم الـسـهـر مـاداج فـي نـاظـري لولاك=ولاذقـت نـيـران الـقـهــر قـبـل نـيـرانـك
ولااحدن طـعـن قـلبي قبل تـطـعـنـه يمناك=سـهـيرن وعـيـنـك نايـمـه تـحـت غـطـيـانـك
ولاجـيـت مـيـدان المحـبـه قـبل لـقـيـاك=وانا ادخل عـلـى الله من غـثـى طـول مـيـدانـك
بغاك الخفوق اللي قضى الـعـمـر في رجـواك=ولا ذاق غـيـر الــهــون قــدام عـربـانـك
طـلبتي خفوقي لاجل يـمـشي على مـمـشاك=وسقـتـي عـلـى صدقـك عـهـودك وبرهـانـك
وقـلـتـي يـمـيـن الله خـفـوقي فلا يـنـساك=وصدقـت واعـطـيـتـك يـمـيـنـي مـع ايـمـانـك
وقبل السنه طـعـتي غـريـبـن وقـف ناداك=وبـقـتي خـفوقـن يـسـهـر الـلـيـل مـن شـانـك
خـذى الفايده من لاعطى الروح في مـشـراك=وقـلـبـن شـراكـم طـاح في وسـط بـركانـك
غـريـرن وطـحـتـي في حـبـال الذي دهـواك=وغـدرك يـقـض ركـون بـيـتـك وعـمــدانـك
جـفـيـتـي هـوى اللي صان عـهـدك ولاجـافـاك=وبـوقـك بـدايـة درب هـونـك وخـذلانـك
وانا الـيـوم قـلـبي يـرجـي الـلـه يـبـي فـرقـاك=وفـرقـى دروبـن تـوصلـن صوب بـلـدانـك
وفـرقـى هـجـوسن كان حـلـمـه حلاء رويـاك=وفرقى تـرانـيــمـن سـجـعـنـاه بـألـحـانـك
عـفـى الله عـن جـرحـك لـقـلـبي ولا جـازاك=وربي يـعـيـن الـقـلـب بـدروب نـسـيـانـك