هلا والله ابوصالح وهلا بعنود القصيد00
اما عاد انه من علامات العشق هذا مايختلف فيه اثنان الا كان انا وعقاب لاننا ابدا
مانتفق 00 وقول كل على الثاني يدور خمالي عز الله خوش وصف فعلا00
انا من تالي احس اني ماني مضبوط ويظهر ان هذا مفعول
العشق والهيام هالحين بدى يطلع لاني اوجس مثل القعيطل يضرب سيقاني وبس ابي
الشر والهواش بلساني بس بدون مد يد او عصيان ولاادري وش اسم هالحاله؟؟
الا لـيـت رجـلـي لـلـقــريـات مـا سـجـه=ولاشـفت لي ريـمـن بـكحـل الحـلا مدعوج
بـغـيــتــه زيـاره لامـشــاكـل ولا لـجــه=وصارت نـتـايج روحتي من كـبـار العوج
نظرت الذي بالرمـش رج الحـشـى رجـه=ترك خافقي كنه غـريـقـن بـوسـط الـمـوج
ولايـنـفـعـن قـول الـمـعـالـيـق محـتـجــه=مدامه ترك عقلي بوسـط الـعـرب مرجـوج
عجـاجـة جـفـاهـا تجرح الروح لا عـجـه=ولاادري لما اشوف الجفى صوبنا مزعوج
فـلالـي عــن رمـاحـه مـلاذن ولا هـجــه=بقلـبـن وقـع مـن دون مـكـسـب ولامـنـتـوج
لك الله فلاذقـنـا سـوى الـغـيـظ والـدجــه=مدام الهوى عـنـده سـوالـف وزيـن هـروج
تـخـج الحـشـى بـنـقـيـرة المـوت لا خجـه=يجـيـنـا حصان الهجر مـنـهـا مهو مسروج
واشـيـل الـقـلـم حـبـره من الزاج لا زجـه=والاشعار تشرح جرح قلبن وقـع مـسـهـوج