مصيبه كان لي عينٍ تشوف وماقـدرت اشـوف & انا ماني عمـى لكـن احـب وحبـه اعمانـي عشقته والضحيه قلب ينبض لجل خمس حروف & ولو كنت اعرف المقسـوم ماسلمتـه ارسانـي ومشاني على دربٍ مشيتـه ماعرفـت الخـوف & ولافكرت في الدنيـا ولا فـي وجههـا الثانـي تعدتني السنين قصار وكن الوقت برق شعـوف & ينوض ويختفي والعمـر ارقـى بـه ويرقانـي وعشت افـعالمي الآخر وعن دنيا البشر مكتوف & سجينٍ فـاضلعي والقيد ثوب وغـاب سجانـي وعهدي به اذا طـوَل يـرد بمعـذره وظـروف & وانا من فرحتي بلقـاه رضيـت بكـل ماجانـي وكثر الهجر. قل الصبر وغيابه حطم المألـوف & اثاره في ثياب العرس يتيـه ابـفرحتـه هانـي ودقت في سكون الصمت طبول وزغرده ودفوف & نهضت ابلاجسـد والمـوت يفارقنـي ويلقانـي لقيته في ربوع الحي بخور وفي حشاي سيـوف & وقناديـل الفـرح جمـرٍ يعلقـهـا بشريـانـي ولقيه في عيون الناس نثر ملحه بدون كسـوف & وجلس بقناع غير اللـي عرفتـه قبـل يلقانـي ولقيته في كفوف الكل فناجيل قهـوه لضيـوف & وكلٍ يشربـه فـرح وشربتـه نخـب احزانـي عرفت ان الهوى كذبه اذا قبر الغـرام كفـوف & ومدام الحب للمنديل فـلا بـه شـي وجدانـي

منقــــــــ ل ـــــــو