اقتباس هلا فيك شاعر المشاعر منور الكرسي ممكن اصعب المواقف واطرفها في حياتك ؟ وشكرا

هلا بك اخوي دكتور صنهات المعذرة توي انتبه لمشاركتك
والله المواقف اللي مرة علي كثير لكن فيه موقف راح اموت ما نسيته
ايام الثانوي ايام الطيش كان فيه زواج بمنطقة القصيم حضرته أنا والأهل وبعد ما خلصوا العالم قال قريب لي فيه سهرة فيها عزف ووناسه رحت معه وهناك اعرف بعض الموجودين مو كلهم المهم مالك بالطويلة جلس الرجال يعزف وكان فيه واحد يروس وفيه مرواس ثاني طايح ماله وآلي اخذته وجلست اروس فيه شوي إلا ويجي زوج خالتي وجايب معه الوالد الله يحفظه يوم شفت الوالد واقمط واحذف المرواس ومن قرادة الحظ يجي ويجلس الوالد بجنبي والمرواس محذوف قدامي وانا بالع العافية
المهم اللي يعزف استحى ونزل العود عرف الوالد انهم تضايقوا من وجوده قال والله عارف أني احرجتكم لكن وش اسوي بأبو خالد لزم علي إلا أجي (( ابو خالد زوج خالتي )) لكن يا محمد بتعزف ولا بنمشي واذا قصدك أنا ترى عادي الوضع
المهم خوينا هذا اللي يعزف تردد بالبداية وبالنهاية قدر ابو خالد يقنعه ويخليه يعزف المصيبة يوم طلع خوينا محمد اللي يعزف بالاغنية ويقوم ذاك المقرود ما اعرفه وياخذ المرواس ويذبه علي قال يالله روس معهم قلت ما عرف قال إلا قبل شوي كنت تروس قلت والله ما عرف قبل شوي بس مسكته اتعبث فيه بصراحه احرجني وتمنيت لو يسد فمه لكن الحمد لله عدت على خير عزف محمد اغنيه وحده وسرى الوالد هو وزوج خالتي ومن القمطه سريت معهم وتركت الجلسه