بسم الله والحمد لله والصلاة والسلام على رسول الله

أما بعد:

أنقل لكم هذه القصيدة وهي للشاعر الكبير / شريف الفريدي

ياحبنـي لاهـل النوايـا السليمـه ===اللي مثـل غيـثٍ يعـزّل نفيضـه

عند الحشام تشوف نفسك حشيمـه === وعند الليام يقـال مافيـك عيضـه

من لادعى النفس لهواها خصيمـه=== يشوف من نوع الخطـا مايغيضـه

لي سيرةٍ هي تـاج راسـي قديمـه ===حملتهـا قـدام حمـل الحفيـظـه

نفسي لها عنـدي معـزه وقيمـه ===واخاف يكسرها الغلط كسر بيضـه

ما زتها مع كـل طـاري عزيمـه ===واعدها وسط المحافـل حضيضـه

اخشى يجي من لايعرف الوسيمـه ===اللـي يشيّـل لـه فشقـةٍ نقيضـه

تثور من حظـي واحصـل قسيمـه ===وابقى ورا قصه طويلـه عريضـه

اليا انسحبت يقال شـاف الهزيمـه===ويحبك سداها بالسلـوك الغليظـه

وتساوت الذلـه معـي والجريمـه ===واصبح حدى الامرين مثل الفريضه

اليا اعترض قدمي خطات البهيمـه===ذبحه حرام وتركتي لـه غميضـه

بعض القصور يعوض به سمل خيمه===لياصار تلقى بـه قلـوبٍ مريضـه

بعدك عن اللـي مايـودك غنيمـه===وفراق من قلـد خلايـف قريضـه

لويمسح المجـرم دمـوع اليتيمـه===تشوف نظرات العيـون البغيضـه



وسلامتكم