05-28-2008, 05:22 PM
|
#1
|
|
بيانات اضافيه [
+
]
|
|
رقم العضوية : 4522
|
|
تاريخ التسجيل : Apr 2007
|
|
أخر زيارة : 08-29-2017 (05:24 PM)
|
|
المشاركات :
3,330 [
+
] |
|
التقييم :
140
|
|
معرض الوسام
|
|
|
لوني المفضل : Cadetblue
|
|
حي زولن شال عقلي
[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/3.gif" border="double,7,black" type=2 line=0 align=center use=ex num="0,black""]
حـي زولـن شـال عـقـلـي والـضـمـايـر لاعـه=والـجـدايـل فـوق مـتـنـه ضـافـيـه مـمـشـوطـه
كـنـهـا زول الـمـهـاة الـلــي زهــى مـربـاعـه=يـانـعـن عـشـبـه بـوسـمــن عـلـهـا بـشـخـوطـه
تـنـطـحـه ريـح الـشـمـالـي بــاردن ذعــذاعـه=وسـط روضن تقل يشـرب من قراح شـطـوطـه
فـي ديـارن مـايـهـولـك غـيـر حـس سـبـاعـه=ماوطـاهـا الـجـمـس الاحـمر في بـيـاض جـنـوطه
اخـتـلـط فـيـهـا الـخـزامـا فـايـحـن نـعـنـاعـه=عـشـبـهـا مـثـل الـقــطـيـفـه او لـيـان الـفـوطـه
تـزبـن الـمـطـبـاق عـجـلـن لاغـدت مـرتـاعـه=عـن سـبـاعـن فـي ظـفـوره تـودعـه مشـعـوطـه
لـيـتـنـي مـاكـنـت حـولـه يـوم عـيـنـه راعــه=كـن كـبــدي مـن عـيـونـه بـالـلـهـب مـلـعـوطــه
يـلـتـعـج ضوح الـخـواتـم ظـاهـرن باصبـاعه=وكـحـل رمـشـه تـقـل يـجـلـد خافـقي في سوطـه
شال زيـن البـيـض كـلـه فـي جـمـيع انـواعــه=فـي وصـوفـن مـاعـلـيـهـا بـالـجـمـال غـلـوطــه
شـفـت خـد الـزيـن يوضي يـوم طـاح قـنـاعـه=الـقـهــر والـهـول ثـارت بـالـحـشـى مـخـلـوطـه
ردفـهـا يـخـلـف خـفـوقـن دوم فـي مـركـاعــه=يـرفــع ثـيــابـن تـظــنـه فـوقـهــا مـشـفــوطــه
حـار فـكـري فـي مــكـانـي مـاتـحـرك سـاعـه=وكـن رجـلـي فـي مــكـانـه يـاعـرب مـربـوطــه
شـفـت قـلـبـي مـن حـلاهـا طـايـحـن فـي قـاعه=وقـلت نـصـبـر لاجـل نـفـهـم قـصته وخـيـوطـه
ثـم راعـت لـي وقــالــت مــهـجـتـك طــمـاعـه=شـايـبـن بـالاربــعـيـن وتـرتـجـي زعــطـوطـه
قـلـت لـه عـمـر الـمـراجـل مـع كـمـال اطـبـاعه=والـشـباب الـيـوم نـصـف عـقـولـهـم مفروطـه
عـارفـن مـدخـل حـيـاتـي فـاهـــمــن مـطـلاعـه=مـتـقـنـن حـب الـعـذارى حـالـتـي مـضـبـوطــه
قـالــت ابــعــد عـن دروبـي عـالـمـن خــداعــه=مـثـل عـمـرك شـهـر واحـد ثــم يـلـذع شـوطــه
قـلـت فـرخـك بـالـهـبـايـب مـايـفـك بــشراعـه=ومـثل عـمري راح يـفـرق حـرفـهــا ونـقـوطــه
نـاظـرتـنـي ثـم راحـت والـحـشـى بـاوجـاعــه=ثـم ضـحـكـت لـي وركـبـت تـبـتـســم مـبسـوطه
تهت وسـط السـوق سـاعه والـضـمـايـر مـاعـه=يـوم راحـت كـن كـبــدي بـالـلــهـب مـقـروطـه
غـصـب عـنـي دوم نـفـسـي لـلــحـلا مـطـواعه=لالـمـحـت الـزيـن زادت بـالـخـفـوق ضغـوطـه
مـايـفـيـد قـيـاس ضـغـطـي بـالـهـوى سـمـاعــه=والـعـذارى هـي سـبـايـب طـلـعـتـه وهـبـوطـه
رمـش عـيـن الزين يـرمـي بـالـخـفـوق اشـعاعه=تـقـل نـيـران الـمـصـانـع بالحشى مـحـطـوطـه
ثـم اسـيـر الـدرب مـعــهـا لـو تـزود ابــواعــه=ويـرتـخـي قـلـبـي وراهـا لـو تـشـــد بـلــوطــه
يـمـكـن ألـقـى مـثـل ريـمـن مـن حـيـاتـي ضاعه=والـسـبـب ظـرفـن تـفــنـن ضـدنـا بـشــروطــه
حـبـهـا داج الـضـمـايـر والـتـجـى بـاضـلاعــه=ودمـع حـجـر الـعـيـن بـانـت بـالـخـدود خـطوطه
صـرت مـثـل الـلـي تـسـوقـه لالـويـت ذراعــه=وكـل هـجـسـن فـي زمـانـي يـسـحـبـه ويـمـوطـه
لـيـن صـار الـقـلـب مـعـهـا بـالـمـزاد بـضـاعـه=والـضـمـايـر مـن هـجـوسـه والـقـهـر مسفـوطه
غـبـن قـلـبـي من عـشـيــرن لاجـل غـيره بـاعــه=وعـقـب حـبـه حـط وسـطه جـمـرته وقـنـوطــه[/poem]
|
|
|
[poem=font=",6,white,bold,normal" bkcolor="black" bkimage="" border="double,8," type=2 line=0 align=center use=ex num="0,black""]
انا مع بعد حيي سرينا مع الساري=ومن زار ابوصالح غدى الضيف والمضياف
هروج الردى بالمنتدى مالها طاري=لان القلم يكتب وينظر لابو نواف[/poem]
|