10-21-2008, 06:42 PM
|
#1
|
|
بيانات اضافيه [
+
]
|
|
رقم العضوية : 11850
|
|
تاريخ التسجيل : Oct 2008
|
|
أخر زيارة : 06-25-2009 (12:22 AM)
|
|
المشاركات :
44 [
+
] |
|
التقييم :
50
|
|
|
لوني المفضل : Cadetblue
|
|
لبيه ياشمس الرياض وقمرها
لبيه يا من جتْ على حـزة اشـراق
لبيه يـا شمـس الريـاض وقمرهـا
لبيه يا صبـح ٍ علـى ضيّهـا فـاق
ضيّ انتشى بيـن الجبيـن ونحرهـا
ضيّ ٍ يغارن منـه تلعـات الاعنـاق
ضيّ ٍ يسـوق لكـل جـادل قدرهـا
شمس الشموس تحط ساق ٍ على ساق
تامـر ولا احـد ٍ بالخلايـق أمرهـا
يامن على عطر الزهر عطرها فـاق
يامن سـواد الليـل ضافـي شعرهـا
يامن غيابك محـرق ٍ قلبـي احـراق
وينك تولى الـروح عقبـك كدرهـا
غبتي وانا يا سلوتي خاطري ضـاق
( مليت من كثر الوجيه وصورهـا )
ذقت الجفا ليت الوفـا منـك ينـذاق
لمشي دروب ٍ مـا حسبـت لوعرهـا
وارقا جبال ٍ به وبـه أنـزل اعمـاق
واهديك من عذب القصايـد دررهـا
واعاهدك ما انساك لو خضر الاوراق
تنسى على جـال السواقـي شجرهـا
ما انساك لو ينسى المطر نوض برّاق
ما انساك لو تنسى المراكـب بحرهـا
يا كيف ابنسى اللي له الروح تنسـاق
يا كيف ابنسى اللي حياتـي عمرهـا
حبيبتي لوما العتـب منـك لـي راق
ما فاض من غيض المشاعر نهرهـا
هاتي وعد توفيـن واعطيـك ميثـاق
ما انساك لوتنسى عيونـي بصرهـا
هليّ قراح الحـب واسقيـه مشتـاق
يشتاقلـك شـوق النفـوذ لمطرهـا
جيتي وانا اللي للوصل كلي اشـواق
تثمر وانا اجني من غيابـك ثمرهـا
جيتي ولا ادري هو لقا يسبق افـراق
ولاّ نتـم اثنيـن عـيـن ونظـرهـا
|
|
|
|